Parenthrive විසින් ලංකාවේ අපි බහුලවම මුහුණදෙන ගැටළුවක් වන බෝ නොවන රෝග පිළිබඳ Parenthrive සිංහල සමාජයේ දෙමාපිය හමුව 2024ක් වූ අගෝස්තු 16, ප.ව. 08.00 සිට Zoom තාක්ෂණය ඔස්සේ පැවැත්විණි. දෙමාපිය හමුව මෙහෙයවනු ලැබුවේ වෛද්‍ය දිලිනි අයිල්ලප්පෙරුම බරණගේ මහත්මිය විසිනි. Parenthrive සිංහල සමාජයේ සාමාජිකයින් බොහෝ දෙනෙක් මෙම හමුව සදහා සහභාගී වූහ!
සාකච්ඡාව ආරම්භ වූයේ පහත පරිදිය, මෙම ලිපියේ සැසියේ ප්‍රධාන කරුණු අඩංගු වේ.
- බෝ නොවන රෝග මොනවද?
- මාපියන් සහ දරුවන් අතර මෙම රෝගය ප්‍රචලිත වන්නේ ඇයි?
- මින් දරුවන් මෙන්ම වැඩිහිටියන් බේරා ගන්නේ කෙසේද?
- බෝ නොවන රෝගවලට එරෙහිව මාපියන් සහ දරුවන්ට සටන් කරන්නේ කෙසේද?
රුධිරයේ සීනි මට්ටම ඉහළ යාමෙන් සංලක්ෂිත නිදන්ගත තත්වයක් වන දියවැඩියාව, සැලකිය යුතු ගෝලීය සෞඛ්‍ය අභියෝගයක් ලෙස මතු වී තිබේ. මෙම නිහඬ වසංගතය සෑම වයස් කාණ්ඩයකම පුද්ගලයන්ට බලපාන අතර, එහි සංකූලතා විනාශකාරී විය හැක.අද වන විට දියවැඩිය රොගීන් සංඛයාව දිනෙන් දින වැඩි වෙමින් පවතී.මෙම රෝගී තත්වයෙන් පසු වන පුද්ගලයෙකු රෝගී තත්වය අවබෝධ කර ගැනීම සහ එම රෝගී තත්වය මැඩ පවත්වා ගැනීම පිළිබඳව වැඩි අවධානයක් යොමු කිරීම ඉතා වැදගත්ය.
රෝග ලක්ෂණ
- නිතර මුත්‍රා කිරීම
- අධික පිපාසය
- අධික කුසගින්න
- බර අඩු වීම
- උනන්දුඅව නොමැතිකම
- අත් හෝ පාද වල හිරිවැටිම
- නොපැහැදිලි පෙනීම
- නිතර සිදුවන ආසාදන
- සෙමින් සුව වන තුවාල
නාගරික ජනගහනයේ වැඩිහිටියන්ගෙන් 30% ට පූර්ව දියවැඩිය රෝගය තිබේ. සරල ජීවන රටාවේ වෙනස්කම් තුලින් දියවැඩිය ඇති වීම 60% කින් අඩු කල හැකිය.
- දියවැඩිය රෝගයෙන් මිදීමට තමන් තමන්ගේ ජීවන රටාවෙ වෙනසක් ඇති කරගන්නේ කෙසේද?
- සෞඛ්‍යසම්පන්න අහාර ගැනීම.
( ධාන්‍ය වර්ග තොරාගැනීම , වැඩිපුර එළවළු ආහාරයට ගන්න, සීනි සහිත බීම වර්ග පානයෙන් වළකින්න, රතු මස් සහ සැකසූ මස් සීමා කරන්න, ලුණු තේ හැන්දක් සහ සීනි තේ හැදි හයක්)
- ශාරීරික ක්‍රියාකරකම්
( වාඩි වී සිටින කාලය සීමා කරන්න, දවස පුරා ක්‍රියාකරීව සිටින්න, බර ඔසවන ආකාරයේ ක්‍රියකාරමකම් වල යෙදෙන්න, සෑම දිනකම මිනිත්තු 30 ක් මධ්‍යස්ථ වේගයකින් ව්‍යායාම කරන්න)
- දුම් පානය නතර කිරීම
( දියවැඩියාව වැලදීමේ සම්භාවිතවය 50% කින් වැඩි කරයි. )
දියවැඩියා රෝගීන්ට සහය වන ආකාරය
- පවුලේ සැවොම සෞඛ්‍ය සම්පන්නව ආහාර ගැනීම.
- ව්‍යායාම කිරීමට සහාය වීම
- සංකූලතා නිරීක්ෂණය කිරීමට උදව් කිරීම
- ඔවුන්ගේ සමාජ ජීවිතයට සහයෝගය දෙන්න
- මානසික අවපීඩනය පිලිබදව විමසිල්ලෙන් සිටින්න
මතක තබා ගන්න, නිතිපතා පරීක්‍ෂා කිරීම, සමබර ආහාර වේලක් සහ ශාරීරික ක්‍රියාකාරකම් වැනි කුඩා පියවරයන් දියවැඩියාව වැළැක්වීම සහ කළමනාකරණය කිරීම සඳහා දිගු ගමනක් යා හැකිය. අපට සහ අපගේ ආදරණීයයන්ට සෞඛ්‍ය සම්පන්න අනාගතයක් නිර්මාණය කිරීමට අපි එක්ව කටයුතු කරමු.
Recent News
